Музиката е средство за изразување и испраќање порака, без разлика дали е тоа чувство, емоција или приказна. Таа е продолжение на музичарот, израз на чувства и ставови и токму поради тоа долго време служи како водилка и мотивација за ЛГБТИ заедницата.
Песните што го документираат квир искуството се разновидни како и самата заедница и потсетуваат дека сечија приказна се одвива со своето темпо.
Ваквите песни од ЛГБТИ артисти или посветени на ЛГБТИ луѓето нудат чувство за надеж и поддршка, но и за слобода и им помагаат на членовите на оваа заедница полесно да ги поминат тешките времиња низ кои поминуваат.
Помеѓу најпопуларните и инспиративни ЛГБТИ песни се:
Lady Gaga – Born this way
Малку уметници имаа такво влијание врз ЛГБТИ заедницата како Лејди Гага, а неколку песни целосно ја доловија радоста и издржливоста на заедницата како оваа. Гага го нарече водечкиот сингл од нејзиниот прославен албум со истото име „ова е химна за тоа која сум“, а нејзините стихови и порака резонираа со милиони други на ист начин. Иако беше објавена во 2011 година, песната е релевантна како и секогаш, борбен крик за еднаквост и возбудлива песна за ноќно излегување. Секогаш кога ќе се чувствувате обесхрабрени, внимавајте на зборовите на Гага: „Сите сме родени како суперѕвезди“.
Queen – I want to break free
Овој хит на Queen со маестралната изведба на Фреди Меркјури е вистинска химна. Без разлика дали станува збор за врска, родови улоги, угнетувачки влади или coming out, а сето тоа ѝ се припишува на песната, на крајот се работи за разбивање и ослободување себеси.
Elton John – I’m Still Standing
Како и поголемиот дел од дискографијата на Елтон Џон, „I’m Still Standing“ се фокусира на преживување во услови на неволја – заедничка нишка за квир заедницата. Од нејзиното објавување во 1983 година, стана вистински хит на ЛГБТИ иконата и покрај тоа што неговата порака е за неуспешна романса.
George Michael – Freedom
Хитот на Мајкл од деведесеттите беше истовремено изјава за сопственото сексуално ослободување и повик за луѓето насекаде да се ослободат од сомневањето во себе.
