Сојузот на математичари на Македонија ја информра јавноста дека на 13. издание Европскиот Математички Куп, кој важи за престижен меѓународен натпревар, што се одржа во периодот 14-22 Декември 2024, нашите натпреварувачи ги освоија најдобрите резултати.
На натпреварот учествуваа 36 држави во сениорска конкуренција и 30 држави во јуниорска конкуренција. Македонија зеде учество во обете категории.
Нашите сениори остварија одличен резултат: екипно го освоија 10. место, а поединечно освоија две први награди Алексиј Тасиќ и Дамјан Давков и една трета награда Леонид Тодороски.
Нашиот натпреварувач Алексиј Тасиќ е само еден од четворицата сениори со 100% резултат на натпреварот, ги освои максималните можни 40 поени, за што е награден со златен медал. Тој е првиот Македонец кој остварува ваков исклучителен подвиг! Нашиот натпреварувач Дамјан Давков освои 39 поени и се закити со сребрен медал.
И нашите јуниори имаа успешен настап: екипно го освоија 22. место.
Конечните резултати можете да ги погледнете на веб страната.
Официјалната веб страна на Европскиот математички куп, каде се објавени конечните резултати, е: https://emc.mnm.hr/competition/results/
Од Сојузот на маатематичари сметаат ваквиот сериозен пристап на СММ придонесува за континуирано успешните настапи и остварени резултати.
