Проценките претставени во новиот извештај на Меѓународната агенција за енергетика (ИЕА) покажуваат дека инвестициите во чиста енергија ќе бидат речиси двојно поголеми од оние што се инвестираат во фосилни горива во 2024 година.
Што се однесува до самата сума, вкупната инвестиција во енергија за прв пат треба да надмине три трилиони долари, а околу два трилиони ќе бидат насочени кон чисти технологии. Во овој контекст се вклучени обновливите извори на енергија, електричните возила, горивата со ниска содржина на јаглерод, нуклеарната енергија и други. Преостанатата количина е наменета за гас, нафта…
Како што се наведува во извештајот, она што сè уште останува значаен проблем е недостатокот на правична енергетска транзиција. На пример, многу малку се инвестира во земјите во развој, оставајќи ја Кина надвор.
Од овие земји, најдобри позиции заземаат Индија и Бразил, а вкупно инвестициите во чиста енергија во земјите во развој ќе надминат 300 милијарди долари. Иако изгледа како значителна сума, таа претставува само околу 15 отсто од глобалните инвестиции за овие цели. Потребни се повеќе напори за да се задоволи побарувачката која постојано се зголемува.
Од сите видови чиста енергија, соларната сè уште е на прво место по најголеми инвестиции. Една од причините е што цената на соларните панели е намалена за 30 отсто во последните две децении.
Зборувајќи за нуклеарната енергија, нејзиниот удел ќе достигне 80 милијарди долари оваа година, што е речиси двојно повеќе од нивото во 2018 година.
Кога станува збор за поединечни земји, најголемиот дел од вкупната инвестиција ќе дојде од Кина. Поточно, во 2024 година се очекуваат 657 милијарди долари. Следува Европа со 370 милијарди и САД со 315 милијарди долари. Заедно, тие сочинуваат повеќе од две третини од глобалните инвестиции во чиста енергија.
Но, растат и глобалните инвестиции кога се во прашање нафтата и гасот, односно нивното истражување и експлоатација. Проценките се дека годинава ќе пораснат за околу седум отсто и со тоа ќе достигнат 570 милијарди долари. Зголемувањето најмногу го предизвикаа националните нафтени компании од Блискиот Исток и Азија.
Фото: pexels
