Канадската пиварница Moosehead го откри својот нов производ на Инстаграм. Станува збор за Presidential Pack со повеќе од 1.000 лименки пиво, кои тие го дизајнирале за посебна намена.
„Воведување на Presidential Pack. Со 1.461 лименка канадска лагер, доволно за да ви трае цел мандат“, напишаа тие, мислејќи на мандатот на Доналд Трамп, кој започна на 20 јануари.
„Честитки. Сега сте 1.461 пиво поблиску до 2029 година. Не можеме да предвидиме како ќе се одвиваат следните четири години, но со оглед на тоа како започна 2025 година, имаме чувство дека толку многу пиво ќе ни се најде“, пишува на пакетот.
Фановите на пиварницата во коментари пишуваат дека се воодушевени од оваа понуда.
„Вашиот маркетинг тим заслужува покачување“, е генералниот заклучок на фановите.
Овој пакет се продава на официјалната веб-страница на пиварницата. Достапно е за жителите на провинциите Онтарио, Њу Бранзвик и Нова Шкотска за околу 3.500 канадски долари, вклучувајќи го и превозот. Пиварницата е основана во 1867 година, истата година кога Канада стана независна.
