Летните горештини не претставуваат закана само за луѓето – туку и за домашните миленици, особено за кучињата. Тие се особено чувствителни на високи температури, а дехидратацијата е еден од најчестите проблеми во овој период. Неправовремено препознавање на симптомите може да доведе до сериозни здравствени компликации. Еве како да ја препознаете дехидратацијата и како да ја спречите.
1. Сув нос и уста
Кај здраво куче, носот е обично студен и влажен. Ако забележите дека е сув, леплив или ако слузокожата во устата е сува – тоа може да биде првиот знак за дехидратација.
2. Замор и намалена активност
Дехидрираните кучиња често стануваат безволни, поспани и незаинтересирани за игра, прошетки или контакт со луѓе. Недостатокот на течности директно влијае врз нивото на енергија.
3. Губење на еластичноста на кожата
Направете брз тест: повлечете ја кожата на вратот на кучето. Ако се враќа бавно или останува подигната, тоа е сигурен знак за дехидратација. Кај хидрирано куче, кожата веднаш се враќа во нормала.
4. Зголемена жед
Некои кучиња можеби одбиваат вода, но други можат да пијат во големи количини. Ако одеднаш почне да пие многу повеќе од вообичаено – особено во топли денови – тоа е обид на телото да ја надомести изгубената течност.
5. Повраќање и пролив
Варежните проблеми можат да бидат и причина и последица на дехидратацијата. Доколку кучето има повраќање или пролив, тоа значи дека дополнително губи течности, а состојбата брзо може да се влоши. Во такви случаи, потребна е итна реакција.
6. Промени во мокрењето
Ретко мокрење или потемнета урина се знаци на дехидратација. Нормалната урина треба да биде светла и со благ мирис. Секоја нагла промена во бојата, мирисот или количината на урината треба да се сфати сериозно.
Како да го заштитите кучето од дехидратација?
– Обезбедете му постојан пристап до свежа и чиста вода.
– Избегнувајте шетање по најтоплите делови од денот – излегувајте наутро или навечер.
– Не го изложувајте директно на сонце.
– По потреба, консултирајте се со ветеринар за користење електролитски раствори за кучиња.
Ако забележите некој од горенаведените знаци, веднаш преместете го кучето на сенка, понудете му вода и побарајте совет од ветеринар. Брзата реакција може да спаси живот.
