Главниот архитект на градот ќе има задача да ги координира политиките за просторен развој и да ја гарантира нивната доследна имплементација. Иницијаторите на оваа акција нагласуваат дека ваквата функција е повеќе од неопходна, особено за Скопје, кое веќе подолг период се соочува со урбанистички хаос, недостаток на стратешко планирање и неконтролирана градба.
Се очекува поддршка од архитекти, урбанисти, инженерски професии, како и од граѓанскиот сектор, со надеж дека ова ќе биде првиот чекор кон поодговорен и квалитетен урбан развој на македонските градови.
