Овогодишниот Хакатон ќе се одржи на 22 и 23 февруари во организација на БЕСТ Скопје, а студентите ќе решаваат проблеми од сферите на веб развивање, програмирање, вештачка интелигенција, PR и маркетинг, дизајн и слично.
Настанот ќе се одржи во просториите на Startup Club Skopje, а пријавувањето е отворено до 6 февруари на https://hackathon25.best.org.mk.
Натпреварувачите ќе работат на вистински проблем зададен од партнерот на овој Хакатон, Startup Club Skopje за обновување на нивната веб страница srekja.mk, а секој тим ќе има слобода за креативност и флексибилност на алатките кои ќе ги користи за ребрендирање и градење на страницата.
Организаторите порачуваат дека за учество не се потребни многу предзнаења, туку желба за стекнување на нови вештини, тимски дух и страст за технологија.
