Германскиот софтверски гигант SAP стана највредната европска компанија, престигнувајќи ја данската фармацевтска компанија Novo Nordisk.
Пазарната вредност на SAP на Франкфуртската берза во понеделникот скокна на 314 милијарди евра, додека Novo Nordisk е на 310 милијарди.
Компанијата со седиште во Валдорф, на југозападот на Германија, профитираше од облак технологијата и експлозијата на вештачката интелигенција. Од друга страна, Novo Nordisk изгуби околу половина од својата пазарна вредност од рекорденото ниво во јуни, кога разви терапија за слабеење.
Консултантската компанија EY наведува дека само три германски компании се меѓу 100 најдобри во светот: SAP, Siemens и Deutsche Telekom. Меѓу првите 100 компании, дури 62 се американски компании.
