Италијанскиот производител на луксузни автомобили Ferrari ги претстави своите нови хибридни возила со почетна цена од 400.000 евра. Станува збор за нови верзии на моделите V6 296 GTB купе и 296 GTS родстер, кои инженерите ги модернизираа, ја намалија нивната тежина и ја зголемија нивната моќност и брзина.
Основната цена на моделот 296 Speciale ќе изнесува 407.000 евра во Италија, додека почетната цена на 296 Speciale A ќе биде 462.000 евра, пренесува “Yahoo”.
Првите испораки на моделот 296 Speciale во Европа се очекуваат во првиот квартал од 2026 година, додека 296 Speciale A ќе следи три месеци подоцна. Купето 296 Speciale е полесно за 60 килограми и има дополнителни 49 коњски сили, со што вкупната сила достигнува 868 коњски сили.
Максималната брзина надминува 330 километри на час, а забрзувањето од 0 до 100 километри на час се постигнува за само 2,8 секунди, соопшти “Ferrari”.
