Според неофицијални информации објавени од порталот Далмација Данас, пукнал резервоар на бензинската пумпа на ИНА во градот Хвар, при што истекле големи количини гориво. Од Министерството за море изјавиле дека засега не се запознаени со случајот.
Од полицијата во Сплит го потврдиле настанот. Полицијата е на терен, како и другите служби. Се истражува како точно се случил инцидентот.
„Утринава околу 09:30 часот добивме информација дека во градот Хвар, во заливот Крична Лука, дошло до загадување на морето со нафта. На терен се припадници на ПС Хвар и Полициската станица за поморски сообраќај, пожарникари, ХГСС и вработени од Капетанијата. Додека трае санацијата на оштетувањето, ќе се спроведе и постапка за утврдување на сите факти и околности поврзани со настанот“, соопштуваат од сплитската полиција.Освен локалните противпожарни сили од островот, според достапни информации, со брод пристигнуваат и пожарникари од Каштела Сучурац за да помогнат.
Крична Лука е второто пристаниште во градот Хвар, каде што се влегува со брод помеѓу островчето Галешник и хварското крајбрежје. Многумина таму пристигнуваат по гориво, а најблиските други бензински пумпи се на Вис, Врбоска или Бол.
