Медалите ги освоија македонските средношколци Христијан Захарчев од СОТУ „Ѓорѓи Наумов“ – Битола и Миша Веселински од ПСУ „Јахја Кемал“ – Скопје.
Значаен придонес во тимот придонесоа и ученичките Сара Тошевска од ДСУ „Математичко-информатичка гимназија“ и Теа Ангелова од „Меѓународно училиште НОВА“ – Скопје, кои исто така имаа силни настапи.
Натпреварувањето опфати три сегменти: економија, финансиска писменост и изработка на бизнис план, а учество зедоа над 250 ученици од 51 земја.
Тимот беше под менторство на проф. д-р Анета Гацовска Барандовска и ас. м-р Стево Ѓоргиев од Институтот за математика при ПМФ – Скопје. Подготовките беа реализирани во соработка со Народната банка, Комисијата за хартии од вредност, Македонската берза, ВФП групацијата и Државниот завод за статистика.
Овој успех претставува значајно признание за вложениот труд на учениците, менторите и институциите кои стојат зад подготовките, и уште еднаш го истакнува потенцијалот на македонската младина на меѓународната сцена.
