Рудникот за јаглен во оддалеченото подрачје на југозападот на Пакистан се урнал по експлозија на метан, а најмалку 12 рудари останале заробени, соопштиле властите. Започната е операција за спасување.
Инспекторот за рудници, Абдул Гани, изјавил дека експлозијата се случила синоќа во Сингиди, град во покраината Белуджистан, и додал дека спасувачите со часови внимателно отстрануваат делови од урнатиот рудник. Тој изјавил дека ниту еден рудар сè уште не е спасен. Од владата на Белуджистан соопштиле дека се користат сите достапни ресурси за да се спасат животите на рударите, а исто така е наложена истрага за причината на урнувањето.
Безбедносните стандарди обично се игнорираат во рударската индустрија во Пакистан, што довело до бројни инциденти и експлозии кои често имале фатални последици во последните години.
