Премиерката Мете Фредериксен изјави дека „демократијата има предност“ и дека одредени форми на религиозно изразување кои, според неа, се во спротивност со данските вредности, немаат место во образовниот систем. „Ако некој не е подготвен да се прилагоди на данската култура, можеби треба да размисли дали оваа земја е вистинското место за него“, порача Фредериксен.
Предлогот веднаш предизвика силни реакции на глобално ниво. Организациите за човекови права остро ја осудија иницијативата, оценувајќи ја како дискриминаторна, особено кон муслиманките. Според нив, мерката ја ограничува верската слобода и го таргетира еден конкретен дел од населението.
Од друга страна, поддржувачите на иницијативата сметаат дека се работи за неопходен чекор кон поголема интеграција, родова еднаквост и зачувување на секуларниот карактер на јавните институции.
Овој потег повторно ја отвори чувствителната дебата околу границата меѓу верските слободи и националната интеграција, поставувајќи го прашањето: Дали ваквите мерки го штитат општеството – или го исклучуваат?
