Фолксваген, најголемиот германски производител на автомобили, денес е глобален гигант со производство и продажба на возила низ целиот свет. Иако компанијата е основана во Германија и има силна присутност во таа земја, нејзиниот бизнис модел е длабоко зависен од други пазари, како што се Кина, Бразил и САД. Ова создава предизвици кои би можеле сериозно да влијаат на нејзиниот иден успех.
Во 2023 година, Фолксваген произведе повеќе од 4,8 милиони автомобили и оствари приход од 86 милијарди евра. Меѓутоа, како што се менува пазарот на автомобили, а посебно пазарот на електрични автомобили, компанијата се соочува со проблеми, вклучувајќи и погрешни проценки од менаџментот.
Барањето за нови автомобили во Европа опаѓа, додека кинеските конкуренти го преземаат пазарот на електрични автомобили. Иако продажбата и приходите во првите три квартала на 2023 година беа стабилни, оперативната добивка опадна за речиси 37%.
На домашниот пазар во Германија, Фолксваген најави намалување на 35.000 работни места поради високите трошоци за енергија, конкуренцијата од Кина и можни американски царини. Иако компанијата има силно присуство во Германија со 76.000 вработени, таа има и производствени капацитети низ светот, вклучувајќи ја Полска, Шпанија, Португалија, Словачка, Русија, Турција, Аргентина, Бразил, Мексико, САД, Кина, Индија и Јужноафриканска Република.
Фолксваген сѐ повеќе се потпира на пазарите како што се Бразил и Мексико, но предизвиците со американските царини и растечката конкуренција во Кина може да имаат значително влијание врз нејзиниот профит.
Иако кинескиот пазар некогаш беше клучен за Фолксваген, компанијата сега се соочува со пад на пазарниот удел и се повеќе конкуренти од Кина кои произведуваат евтини електрични автомобили. Кинеските производители сега доминираат во производството на евтини електрични возила, што создава предизвици за Фолксваген.
И покрај тоа што Фолксваген сѐ уште е германска компанија, нејзиниот глобален карактер и зависноста од пазарите надвор од Германија ја прават нејзината позиција се повеќе меѓународна, а конкуренцијата и глобалните промени наметнуваат потреба за прилагодување на новите услови.
