Кога бил прашан за шпекулациите дека Арон Тејлор-Джонсон е во игра за новиот Бонд, Пирс Броснан имал само пофалби за 34-годишниот актер.
„Мислам дека би бил многу добар. Му дадов улога во еден од филмовите кои ги снимав одамна, наречен ‘Најдобра ноќ’, и всушност ја одигра најдобро“, рекол Броснан за Yahoo Entertainment.
Во тој филм, Броснан и Сузан Сарандон ја глумеле Алeн и Грејс Брјуер, чие синче Бенет (Тејлор-Джонсон) загинува во сообраќајна несреќа.
Месец дена подоцна, на нивната врата доаѓа неговата девојка Роуз (Кери Малиган), која чека негово дете.
„Тој младич дојде на сетот и го презеде исклучиво, исполнувајќи го со страст и енергија. Така што, ако сака тоа, и ако ја добие улогата, ќе биде одличен“, додал Броснан.
Пирс Броснан ја толкувал улогата на Џејмс Бонд во филмовите „Златно око“, „Светот не е доволен“ и „Умри втор пат“.
