Во денешната епизода на РеТРН гости ни се енергичниот и несекојдневен двоец познат како Бајкерот и Кросфитерот — дечки кои што се трудат да го одржат духот, уметноста и вештината на разговорот како медиум за споделување информации, разум и мудрост.
Во разговорот откриваме кој всушност е бајкерот, а кој кросфитерот, како дошле до идејата за својот заеднички подкаст, кој е “кумот” што го запали овој проект, и како ги делат улогите меѓу креатива и менаџмент.
Ги прашавме и колку време им треба да се спремат за еден гостин – а одговорот беше искрен и многу карактеристичен:
“Тоа е тешко за да се одговори затоа што е дел од животот. Значи од моментот кога ќе ни текне е ај да го викнеме овој гостин, мене нон стоп ми работи главата што убаво би си разговарал со тој човек. И после само доаѓа моментот за разговор.”
А на прашањето на Дениз — што повеќе сакаат да снимаат, спортисти или џет-сетери — без двоумење одговараат:
„Спортисти и уметници што ги ценат повеќе.”
Дали е подобро да се живее во Скопје или во Виена? Одговорот, како и секогаш, не е едноставен — но разговорот е искрен, забавен и полн со изненадувања.
Не ја пропуштајте оваа епизода!
