„Фантомската струја“ ви краде денарите од џеб! Погрижете се да ги исклучите овие уреди кога не се активни.
Покрај греењето на струја и дополнителното греење во зима, една од причините за поголема потрошувачка е т.н. „фантомска струја“, што ја трошат апаратите и уредите за домаќинство дури и кога се исклучени.
Во зима, дури и на оние кои не користат струја за греење, им се зголемуваат сметките за струја. Причините може да бидат различни, но факт е дека кога надвор е ладно, поминуваме многу повеќе време во затворени простории и затоа користиме повеќе електрични апарати и уреди дома.
И кога вашите сметки за струја почнуваат да се зголемуваат од месец во месец, време е да се запрашате: Дали сите тие апарати и уреди што ги користиме се апсолутно неопходни? Затоа што може да заштедите многу ако направите само една едноставна работа: да ги исклучете од струја!
Една од причините за поголема потрошувачка е таканаречената „фантомска струја“, односно струјата што ја црпат апаратите и уредите дури и кога се исклучени. А телевизори, компјутери, принтери, кафемати, па дури и електрични четки за заби се најчестите виновници.
За да се намали влијанието на „фантомската енергија“ врз вашите сметки, експертите препорачуваат да ги исклучувате апаратите кога не се во употреба. Можеби звучи чудно што зборуваме за исклучување на уредите кога тие се веќе исклучени. Сепак, факт е дека различните апарати и уреди продолжуваат да трошат струја дури и кога се исклучени „со притискање на копче“ или ставени во режим на подготвеност.
Некои од најлошите „престапници“ или најголемите потрошувачи на фантомската моќ се:
-Полначите кои се оставени приклучени продолжуваат да трошат струја, дури и кога нема поврзан уред со нив.
-Десктоп компјутерите се оставени во режим на мирување, наместо целосно исклучени.
-Уреди кои користат светлосни индикатори (светилки) и/или различни типови на дисплеи кога самиот уред е исклучен.
-Безжични телефони и паметни телефони со екрани што го прикажуваат времето или друга содржина дури и кога не се активно во употреба.
-Медиа плеери, особено оние што можат самите да скенираат ажурирања во заднина.
-Нови паметни апарати за домаќинство, како што се фрижидери, машини за перење и сушење, микробранови, роботски правосмукалки, конзоли за игри и други уреди кои имаат постојано вклучени дисплеи, се поврзани на интернет, имаат електронски контроли или се поврзани со паметни телефони преку апликации.
Според истражувањето на американското Министерство за енергетика, уредите што се исклучени во режим на подготвеност, но сè уште се поврзани на мрежата, или фантомската енергија што ја трошат, учествуваат меѓу 5 и 10 проценти од вкупната потрошувачка на електрична енергија во домаќинството.
