Уапсен грузиски опозициски лидер под сомнение за обид за палење државен објект во Тбилиси

Грузиската полиција денес го приведе лидерот на опозициската Граѓанска партија, 47-годишниот Александар Елисашвили, поради сомневање дека се обидел да запали зграда на судската администрација во центарот на Тбилиси.

Според соопштението на Министерството за внатрешни работи, Елисашвили насилно влегол во објектот, при што скршил прозорец и истурил бензин во внатрешноста. При апсењето тој физички повредил судски извршител. Властите тврдат дека опозицискиот политичар при себе имал и огнено оружје.

Министерството објави и видео-снимка на која се гледа пиштол и оштетениот прозорец. Граѓанската партија, чиј основач е Елисашвили, делува во рамки на коалицијата „Лело – Силна Грузија“. Во меѓувреме, владејачката партија „Грузиски сон“ најави иницијатива за забрана на активностите на повеќе опозициски групи.

Инцидентот се случува во време на едногодишни масовни протести против владејачката партија, во чиј тек чести се апсења на опозициски активисти и политичари.

Извор: Независен

е-Трн да боцка во твојот инбокс

Последни колумни